அருணாச்சல தரிசன கானம்

அருணாச்சல தரிசன கானம்

அருணையில் உறையும் கருணைக் கடலே

உருகியே வழிபட்டேன் உனையே ஐயா

முருகனின் தந்தையே முக்கண்ண முதல்வனே

வருவாய்  அருள்வாய் அருணாசலனே

கரம் குவித்துனையே  பார்த்திட உடனே

பரவசம் அடைந்தேன் அருணாசலனே

சிரம் தாழ்த்தி உன்னை வணங்கிய உடனே

பரசிவ சுகம் அதை உணர்ந்தேன் சிவனே

உன் திரு மலையை கண்ட உடனே

கண்பெற்ற பலனை அடைந்தேன் நானே

எண்ணங்கள் இன்றி வெண் திரையானேன்

விண் நோக்கி பறந்தேன் அருணாசலனே

பாரினில் உண்டோ உனக்கோர் ஈடு

வேறிடம் புகலே எனக்கேது கூறு

யாரிடம் சொல்வேன் உன்னை அன்றி சிவனே

ஓரிடம் தருவாய் அருணாசலனே

எத்தனை பிறப்புகள் எத்தனை இறப்புகள்

எத்தனை பிறப்பே நான் பிறப்பேனோ 

அத்தனை பிறப்பிலும் உனை மறவாதிருக்க

வழி துணை நீயே அருணா சலனே



"Life without God
is like an unsharpened pencil
- it has no point."

Happy moments, praise God.
Difficult moments, seek God.
Quiet moments, worship God.
Painful moments, trust God.
Every moment, thank God

- தேனுபுரீஸ்வரதாசன் இல. சங்கர்.
♪♫••♥*•Shanks♪♫••♥*•♫♪